MundusLatinus ►
Recentissima
Pelliculae
Quis Caesiam rapuit?
Malum Discordiae
Tempus fugit
Roma explosiva
Fabulae Delirae
Youtube - Res Latinae3
Youtube - Res Latinae2
Youtube - Res Latinae
Youtube - Ars Docendi
3Sat - Kulturzeit
Opera scholastica
HEM!
Philippus et Tania
Philemon et Baucis
Janosch
Bonum diem, porcelle
Colloquia cottidiana
in Schola
Athletica
Pedifollium
Musica
JAW: Carpe Diem NEU!
JAW: Parricidium fraternum
Catull rockt
La Cucaracha
Guantanamera
Marmor, Stein und Eisen
De Höhner
zum Mitsingen
kl. Musikstücke
Karaoke
Seminaria
Seminarium LVPAe 2011 NEU!
Carmina
Camilla
Imber et Caelum NEU!
Textus
Ad Senecam NEU!
Helene Sedlmayr:
Mecum Monacum Spectate!
Fabulae
Epistula ad Papam
Picturae
Picturae delineatae
Varia
Paginae scholarum
Stadtrundgang Lüneburg
Rosa Violata
Sonstiges
Links
Impressum
(Mauszeiger über die unterstrichenen Wörter halten, dann bekommen Sie Hilfen zur Übersetzung)
"Morbus Graecus et adventus Papae"
His diebus interdum de salute Germaniae et Europae despero. In televisorio, - si vis, tibi alio tempore hunc apparatum describam et explanabo - principes nostros consilii expertes video inter se litigare, rixari, consulere, quid faciant de Graecia. Dimittantne debita ingentia a Graecis accumulata? Si hoc faciant, quod fieri videtur, Italia, Hispania, Portugallia, Hibernia debita sua quoque dimittanda esse iure postulare possunt. Quid autem creditores respondebunt? Dubium non est, quin magna argentaria Francogalliae et Germaniae numquam iam cuiquam pecuniam credant. Iam satis magnam copiam pecuniae argentaria Germanica, Anglica, imprimis Gallica Graecis crediderunt.
Nunc nos omnes, cives Germani et Francogalli vectigalia solventes ipsi debita Graecorum solvere cogemur. Innocentes fortunas nostras perdemus, quia principes nostri temerarii et periculorum neglegentes A.D. MMII Graecis fallacibus persuaserunt et permiserunt, ut valutam communem Europae (i.e. euronem) sibi adsciscerent. Viri prudentes nostros principes monuerant, ne Graecis crederent, et affirmaverant Graeciam idoneam non esse. Attamen isti principes et senatores non oboediverunt. Immo vero iidem consules et principes illo tempore Ukrainam et Turciam quoque in Unionem Europaeam invitaturi erant. Nunc Turci et Ukraini nos eurone laborare videntes illam invitationem repudiant. Videant consules, ne quid detrimenti capiat res pecunica! Ne quid detrimenti capiat Europa!
Certe vivus, Seneca, de Iesu Christo comperisti et fortasse cum Christianis Romae convenisti. Nostris temporibus princeps Christianorum Pontifex Maximus dicitur et sicut antiquis temporibus Romae residet. Ncn omnes Christiani Pontifici Maximo oboediunt. "Protestantes" dicuntur vel "Evangelici". Nuper iste Pontifex Maximus Germaniam visitavit, originem Reformationis. Nescio quare. Cui bono? In senatu nostro Berolini miti voce orationem philosophicam difficilem comprehensu habuit. Alibi Catholicos suos exhortatus est, ut sint fide firma. Nihil dixit de paedophilia multorum sacerdotum anno anteriore detecta. Nos omnes confessionem publicam "Nostra culpa, nostra culpa, nostra maxima culpa!" exspectaveramus. Tacuit Benedictus XVI de omnibus rebus magni momenti. Convenit cum episcopis Evangelicis. Nullo verbo contribuit reconciliationi et concordiae Christianorum. Cur Lutheranos non invitavit ad sanctam communionem? Catholici credunt panem a sacerdote consecratum corpus Christi esse - Lutherani credunt panem corpus Christi esse a Christianis in cena sacra manducatum. Credunt ergo et Lutherani et Catholici in corpus Christi. Cur Benedictus XVI hanc differentiam in maius effert? Cur iterum atque iterum Lutheranos offendit? Me Catholicum taedet. Cur verba Iesu Christi neglegit, qui ipse Deum Patrem oraverat, ut (discipuli sui) unum sint? Cur reunionem Christianorum repudiat? Cur paulatim auctoritatem suam et ecclesiae Catholicae delet? Nescio, sed fieri sentio et excrucior.
Vale!
Datum Nova Civitate, ad VII Kal Nov, A.D. MMXI
---
Die Textdateien auf dieser Seite sind urheberrechtlich geschützt. Alle Rechte liegen bei Roland Gröger. Eine Verwendung dieser Dateien ohne schriftliche Genehmigung des Urhebers ist nicht erlaubt.|
Anzeige: Emil und die Detektive Die drei ???  ISBN 978-3-9813892-0-3 hier bestellen... Die Wilden Hühner  ISBN 978-3-00-028011-5 hier bestellen... Prisca et Silvanus  hier bestellen... Power-Tabellen  hier bestellen... Adulescens 28 NEU!  hier bestellen... Iuvenis 32 NEU!  hier bestellen... Der Cicero Code  ISBN: 978-3-00-023164-3 hier bestellen... Die Freeware Version Die Peitsche des Cicero  ISBN: 978-3-00-023471-2 hier bestellen...
|
